„თიფოქსი“ კიდევ ერთ მასშტაბურ პროექტს იწყებს. კომპანია „ოლ-პი მეტალის“ დაკვეთით ზვიად გამსახურდიას სახელობის საპრეზიდენტო ბიბლიოთეკის, მუზეუმისა და ახალგაზრდული ცენტრის პროექტი სტრუქტურული რკინით აღიჭურვება. პროექტის ფარგლებში გამოყენებული იქნება პრემიუმ ხარისხის სტრუქტურული რკინა.
„ჩვენთვის ძალიან მნიშვნელოვანია წვლილი შევიტანოთ ამ მასშტაბის პროექტის მშენებლობის პროცესში. აღსანიშნავია, რომ სამშენებლო კონსტრუქციებთან შედარებით ლითონის კონსტრუქციებს აქვს უპირატესობები, როგორიცაა: სიმსუბუქე, ტექნოლოგიურობა, სივრცითი სიმტკიცე და სიხისტე, მაღალი დეკორატიული თვისებები, მონტაჟისა და დემონტაჟის სისწრაფე, შედუღებადობა, მობილურობა, რაც ხელს შეუწყობს პროექტის დადგენილ ვადებში შესრულებას.“ - აცხადებს „თიფოქსის“ კომერციული დირექტორი რამილ ასკეროვი.