„თიფოქსი“ განაგრძობს ინდუსტრიული ტექნიკისა და ინვენტარის კატეგორიის განვითარებას. ასორტიმენტს დაემატა ROCKBEST MACHINERY-ს ბრენდი.

ინდუსტრიული და მსუბუქი ტექნიკა გამოიყენება სხვადასხვა დატვირთვის სამუშაოს შესასრულებლად, იატაკის ფორმირების პროცესში, როგორც შიდა, ასევე გარე სივრცეში.

„საქართველოში იატაკის ტექნოლოგიების მიმართულებით ბევრი სიახლეა. სრულყოფილი შედეგის მიღება კი შესაბამისი ტექნიკის გარეშე შეუძლებელია. სწორედ ამიტომ გადავწყვიტეთ ბაზრისთვის შეგვეთავაზებინა კიდევ ერთი ალტერნატივა ROCKBEST MACHINERY-ს სახით, რომელიც უპასუხებდა იატაკის თანამედროვე ტექნოლოგიების ყველა მოთხოვნას,“ - აცხადებს „თიფოქსის დირექტორი რამილ ასკეროვი.

ROCKBEST MACHINERY-ს ასორტიმენტი აერთიანებს იატაკის მოსახვეწ აპარატებს, სამრეწველო მტვერსასრუტებს, მოსაპრიალებელ აპარატებს და სხვა დაკავშირებულ აქსესუარს.

აღსანიშნავია, რომ „თიფოქსი“ ROCKBEST MACHINERY-ს ოფიციალური დილერია საქართველოში.