„თიფოქსი“ 2024 წლის განმავლობაში სამშენებლო მასალების იმპორტის მიმართულებით ლიდერ კომპანიად დაპოზიციონირდა. კომპანიის დამკვეთთა პორტფელი გაიზარდა, როგორც ინდუსტრიული, ასევე კარკასული სამშენებლო მასალების შესყიდვების მიმართულებით. კომპანიამ უწყვეტი და ძლიერი ლოგისტიკური ჯაჭვის საშუალებით არაერთი ინდუსტიული და სამოქალაქო მშენებლობის პროექტი სამშენებლო მასალებით უზრუნველყო.

2024 წლის დასაწყისში დაანონსებული აქტივობების შედეგების შესახებ კომპანიის დირექტორი რამილ ასკეროვი საუბრობს.

„თიფოქსისთვის“ 2024 გამოწვევებით სავსე წელი იყო. ამ პერიოდის განმავლობაში აქტიურად ვმუშაობდით ახალი მიმართულებების განვითარებაზე, საერთაშორისო პარტნიორების მოზიდვასა და პოზიციონირების არეალის გაფართოებაზე. მიმდინარე წლის განმავლობაში ქართულ სამშენებლო ბაზარს შევთავაზეთ პრემიუმ ხარისხის სენდვიჩ პანელის, მეტალის, წყალგამტარი და გადახურვის სისტემების, ინდუსტრიული ტექნიკისა და წვრილი სამშენებლო მასალების მსოფლიო ბრენდების პროდუქცია.“ - აცხადებს „თიფოქსის“ დირექტორი, რამილ ასკეროვი.

აღსანიშნავია, რომ წლის განმავლობაში „თიფოქსის“ სამშენებლო პროდუქცია წარმოდგენილი იყო ისეთი მასშტაბური პროექტების სამშენებლო მოედანზე, როგორიცაა „დიპლომატ ჯორჯია“, „ ელთიბი“, „თბილისი დრაი პორტი“ , „ ვესტ ინვესტი“, „გრიმ ტერმინალი“ და სხვა.

„წლის დასაწყისში „თიფოქსისთვის“ გამოწვევას წარმოადგენდა მოთხოვნა-მიწოდების პროცესის სტაბილურობა, თუმცა პროფესიონალთა გუნდის დახმარებით მთელი წლის განმავლობაში ლოგისტიკური ჯაჭვი მთელი დატვირთვით მუშაობდა და ფაქტობრივად არ გვქონია მასშტაბური ხარვეზები. ჩვენთვის სერვისი პრიორიტეტია და ვფიქრობ, სწორედ კარგი სერვისი განაპირობებს იმ ნდობას, რომელსაც დამკვეთები გვიცხადებენ,“ - აღნიშნავს რამილ ასკეროვი.

2025 წლისთვის კომპანიის მთავარი მიზანია ასორტიმენტი იყოს მაქსიმალურად ხელმისაწვდომი, როგორც მცირე, ასევე საშუალო და ინდუსტრიული ბიზნეს სუბიექტებისთვის. ამრიგად, „თიფოქსის“ მენეჯმენტის განცხადებით 2025 წელს მომხმარებელს არაერთ ექსკლუზიურ პროდუქტს და სერვისს შესთავაზებენ, რომელიც შეამცირებს ინდუსტრიული და კარკასული მშენებლობის, როგორც საოპერაციო ხარჯებს, ასევე მშენებლობის შესრულების დროს.