„თიფოქსი“ მასშტაბებისა და კატეგორიების გაფართოებას განაგრძობს. კომპანიამ კიდევ ერთ მსოფლიო ბრენდთან გააფორმა პარტნიორობის ხელშეკრულება. „თიფოქსი“ „SEKIZLI“-ს ოფიციალური წარმომადგენელი გახდა საქართველოში.

„SEKIZLI“ 1987 წლიდან ამწე მექანიზმების ერთ-ერთი მსხვილი მწარმოებელია მსოფლიოს მასშტაბით. პროდუქცია კი ხელმისაწვდომია  50-ზე მეტ ქვეყანაში. კომპანია აწარმოებს სხვადასხვა დატვირთვის ტელფერებსა და ამწე მექანიზმებს.

 „ჩვენი მიზანია ვუპასუხოთ B2B სექტორის მოთხოვნებს და შევქმნათ კონკურენტული პროდუქციის უწყვეტი მიწოდების ჯაჭვი სამშენებლო სექტორისთვის. სწორედ ამიტომ „თიფოქსი“ პრემიუმ ბრენდების იმპორტს მსოფლიოს სხვადასხვა ქვეყნიდან ახორციელებს,“- აცხადებს კომერციული დირექტორი რამილ ასკეროვი.

„თიფოქსის“ მენეჯმენტის ინფორმაციით, SEKIZLI-ს ამწე ტელფერი უკვე აქტიურად გამოიყენება სამშენებლო ობიექტებზე.

„SEKIZLI-ს“ ტელფერები და ამწე მექანიზმები, სრულად პასუხობს ინდუსტრიული მშენებლობის მოთხოვნებს. პროდუქციის საშუალებით შესაძლებელია სხვადასხვა სიმძიმის სამუშაოს მარტივად შესრულება მცირე ვადებში“, - აღნიშნავს კომერციული დირექტორი რამილ ასკეროვი.

ასორტიმენტის მასშტაბების ზრდას კომპანიის გეგმებში პრიორიტეტული პოზიცია უჭირავს.

"თიფოქსი” აქტიურად ოპერირებს სამშენებლო მასალებისა და ტექნიკის ბაზარზე. პრემიუმ ხარისხის ბრენდებით, ენერგოეფექტური სამშენებლო მასალებითა და ინდუსტრიული ტექნიკის ფართო არჩევანით, ქმნის უწყვეტ და სტაბილურ მიწოდების ჯაჭვს B2B სექტორისთვის.