„თიფოქსი“ უკვე არაერთი წელია წარმატებით ოპერირებს საქართველოში სამშენებლო მასალებისა და ტექნიკის იმპორტის მიმართულებით.
კომპანიის საქმიანობა ემყარება მკაფიოდ განსაზღვრულ მისიას, უმაღლესი ხარისხის სამშენებლო მასალებისა და ტექნიკის იმპორტით ხელი შეუწყოს ქვეყნის განვითარებად ბაზარს, გააძლიეროს დარგის კონკურენტუნარიანობა და წვლილი შეიტანოს თანამედროვე, ეფექტური და მდგრადი სამშენებლო პრაქტიკის დანერგვაში.
სტრატეგიული განვითარება და ბაზრის გაფართოება
2024–2025 წლები „თიფოქსისთვის“ მნიშვნელოვანი სტრატეგიული ზრდის პერიოდად იქცა. აღნიშნულ პერიოდში კომპანიამ კიდევ უფრო განამტკიცა საკუთარი პოზიციები ბაზარზე და გააფართოვა საერთაშორისო პარტნიორთა ქსელი. 2025 წლის განმავლობაში „თიფოქსმა“ მოიპოვა არაერთი საერთაშორისო ბრენდის ექსკლუზიური წარმომადგენლობა და ექსპორტის უფლება, მათ შორის ისეთი კომპანიების, როგორიცაა TUNA, ASYA DOKUM, VANSE, ROCKBEST MACHINERY, ISOMAT და სხვა. აღნიშნულმა ნაბიჯმა მნიშვნელოვნად გააძლიერა კომპანიის პროდუქციის პორტფელი და მომხმარებლებს შესთავაზა ენერგოეფექტური, მრავალფეროვანი, საერთაშორისო სტანდარტების შესაბამისი გადაწყვეტილებები.
მიწოდების ჯაჭვი და ოპერაციული სტაბილურობა
განსაკუთრებით აღსანიშნავია ის ფაქტი, რომ გლობალური ეკონომიკური და ლოგისტიკური გამოწვევების მიუხედავად, „თიფოქსმა“ მტკიცედ შეინარჩუნა მიწოდების ჯაჭვის სტაბილურობა. კომპანია წარმატებით უზრუნველყოფდა პრემიუმ ხარისხის სამშენებლო მასალების უწყვეტ მიწოდებას, რაც კრიტიკულად მნიშვნელოვანი იყო, როგორც ინდუსტრიალიზირებული, ისე კარკასული მშენებლობებისთვის. სწორედ ამ სტაბილურობამ მისცა შესაძლებლობა კომპანიას, აქტიური მონაწილეობა მიეღო სხვადასხვა მასშტაბის პროექტებში და დაემტკიცებინა საკუთარი ბრენდის საიმედოობა.
„თიფოქსი დღეს ერთ-ერთი ყველაზე კონკურენტუნარიანი კომპანიაა სამშენებლო მასალებისა და ტექნიკის იმპორტისა და დისტრიბუციის სფეროში. ჩვენი მთავარი ძალა მდგომარეობს ხარისხზე ორიენტირებულ მიდგომაში, პასუხისმგებლიან პარტნიორობასა და პროცესების ეფექტურ მართვაში. 2025 წელს, მიუხედავად გლობალური ეკონომიკური და ლოგისტიკური სირთულეებისა, კომპანიამ შეძლო ბაზრის მოთხოვნებზე დროული რეაგირება, პარტნიორული ქსელის გაფართოება და მიწოდების უწყვეტობის შენარჩუნება. განსაკუთრებული სიამაყით აღვნიშნავ იმ მნიშვნელოვან პროექტებს, რომლებიც სწორედ ჩვენი მასალებით განხორციელდა, მათ შორის ლოგისტიკური ცენტრები და თანამედროვე, ეფექტური კარკასული ნაგებობები,“ - აცხადებს კომპანიის დირექტორი, რამილ ასკეროვი.
დამკვეთები და სექტორული თანამშრომლობა
2025 წლის განმავლობაში „თიფოქსის“ დამკვეთთა პორტფელი კიდევ უფრო მრავალფეროვანი და ძლიერი გახდა. კომპანიის პარტნიორებს შორის არიან ისეთი მსხვილი ორგანიზაციები, როგორიცაა ეფეს საქართველო, LTB, თბილისი დრაი პორტი, ვესტ ინვესტის საწარმო, სანტეს საწარმო, დომინო , ვაზიანის სტუდია და სხვა წამყვანი კომპანიები. ამასთან, „თიფოქსი“ აქტიურად თანამშრომლობდა ენერგეტიკისა და საფინანსო სექტორებთან, რაც კომპანიის საქმიანობას კიდევ უფრო სტრატეგიულ და მრავალმხრივ ხასიათს სძენს.
კლიენტზე ორიენტირებული მიდგომა და ღირებულებები
კომპანიის წარმატების ერთ-ერთ მთავარ საფუძვლად რჩება სერვისის მაღალი ხარისხი და მომხმარებელთან გრძელვადიანი, ნდობაზე დაფუძნებული ურთიერთობა. „თიფოქსის“ ბიზნესმოდელი მორგებულია, როგორც მცირე, კერძო დამკვეთებზე, ისე მსხვილ სამშენებლო კომპანიებზე, რაც ბრენდს საშუალებას აძლევს იყოს მოქნილი, სწრაფად რეაგირებადი და მუდმივად მოთხოვნადი ბაზარზე.
„სერვისის მაღალი ხარისხი და მომხმარებელთან სწორი, გამჭვირვალე და გრძელვადიან ნდობაზე დაფუძნებული ურთიერთობა ჩვენი საქმიანობის ქვაკუთხედია. ჩვენთვის თითოეული პროექტი პარტნიორობას ნიშნავს და არა მხოლოდ მიწოდებას. სწორედ ამ მიდგომით ვმუშაობთ თითოეულ პროექტზე. ეს ღირებულებები გვაძლევს შესაძლებლობას, ვიყოთ მოქნილი, საიმედო და მუდმივად მოთხოვნადი ბრენდი დინამიკურ სამშენებლო ბაზარზე,“ - აცხადებს რამილ ასკეროვი, „თიფოქსის“ დირექტორი.
ამრიგად, 2024–2025 წლების ანგარიში ნათლად აჩვენებს, რომ „თიფოქსი“ აგრძელებს სტაბილურ განვითარებას, აძლიერებს საერთაშორისო პარტნიორობებს და მნიშვნელოვანი წვლილი შეაქვს საქართველოს სამშენებლო სექტორის პროგრესში. კომპანია მომავალშიც ისახავს მიზნად ინოვაციური გადაწყვეტილებების დანერგვას, ხარისხის სტანდარტების კიდევ უფრო ამაღლებას და ბაზრის მოთხოვნებზე პროაქტიულ რეაგირებას.