„თიფოქსი“ ინდუსტრიული სასწორებისა და მექანიზმების ბრენდის ოფიციალური წარმომადგენელია საქართველოში. თანამშრომლობის ფარგლებში აქტიურ რეჟიმში მიმდინარეობს საინფორმაციო შეხვედრები, სადაც მხარეები ერთმანეთს გამოცდილებას უზიარებენ.

ამჯერად, საინფორმაციო შეხვედრას „თიფოქსმა“ უმასპინძლა. ბრენდის წარმომადგენლებმა კატეგორიის მენეჯერებს მიმდინარე სიახლეები გაუზიარეს და დეტალურად გააცნეს ინდუსტრიული პროდუქციის უპირატესობები.

„თიფოქსის“ მენეჯმენტის განცხადებით, TUNA-ს ინდუსტირული სასწორები უკვე აქტიურად გამოიყენება ქართულ ლოგისტიკურ ცენტრებში.

„TUNA“ 2006 წლიდან ინდუსტრიული ტიპის სასწორების ერთ-ერთი მსხვილი მწარმოებელია. კომპანიის მიზანია გაამარტივოს ლოგისტიკური პროცესები, შეამციროს საოპერაციო დრო, მიაწოდოს ბიზნესს ზუსტი მონაცემი და განახორციელოს რეპორტინგი.