სახურავის ხანგრძლივი ექსპლუატაცია დამოკიდებულია, როგორც ხარისხიან ნედლეულზე, ასევე მონტაჟის ტექნიკაზე. მნიშვნელოვანია, რომ სახურავის ზედა ელემენტი, ბურულები, იყოს მდგრადი რათა დაიცვას შენობა ყველა სახის ატმოსფერული ზემოქმედებისაგან. ბურულების მდგრადობას აერატორები განაპირობებს. მოწყობილობის დანიშნულებაა გაანიავოს სახურავის ფენები და გამოდევნოს, როგორც ჰაერის ორთქლი, ასევე ტენი ბურულქვეშა ფენებიდან.
აერატორები ეწინააღმდეგება რულონური ბურულის ამობურცვას ტემპერატურის მკვეთრი ცვლილების დროს. სწორედ ამიტომ ბრტყელ სახურავებში განსაკუთრებით აქტიურად იყენებენ მას პროპორციული განლაგებით, ხოლო დაქანებული გადახურვისას კეხის გასწვრივ.
აღსანიშნავია, რომ სახურავებზე, სადაც გამოყენებულია აერატორები მუდმივ რეჟიმში ხდება ჰაერის ცირკულაცია და მინიმუმამდეა დაყვანილი სახურავის კოროზიული პროცესები.
ჰაერგამტარები მზადდება უჟანგავი ფოლადის მასალისგან. სამუშაო ტემპერატურა კი მერყეობს -50-დან +90°C-მდე.
სახურავის მოწყობის პროცესში აერატორების რაოდენობა დამოკიდებულია, როგორც სამუშაო სივრცის ფართობზე, ასევე ჰაერგამტარების ტექნიკურ მახასიათებლებზე.