სენდვიჩ პანელი წარმოადგენს სამშრიან კონსტრუქციას, რომელიც მეტალისა და საიზოლაციო მასალების კომბინაციით იწარმოება.

მასალის შიდა ბირთვი, შეიძლება იყოს:

• პოლიურიეთანი (PUR/PIR);

• ქვის ბამბა (Rockwool);

• პოლისტიროლი (EPS).

აღნიშნული კომბინაცია ქმნის მტკიცე, მსუბუქ და თბოსაიზოლაციო მასალას, რომელიც იდეალურია როგორც კომერციული, ისე ინდუსტრიული ობიექტების სწრაფად და ხარისხიანად ასაშენებლად.

სენდვიჩ პანელის უპირატესობები

1. თბოიზოლაცია და ენერგოეფექტურობა.
სენდვიჩ პანელები გამოირჩევიან მაღალი თბოგაუმტარობით, რაც ხელს უწყობს ენერგიის დაზოგვას გათბობისა და გაგრილების სეზონზე. PUR/PIR ბირთვი უზრუნველყოფს საუკეთესო თბოიზოლაციას.

2. ხმის იზოლაცია.
განსაკუთრებით ქვის ბამბის შიგთავსის შემთხვევაში, პანელები უზრუნველყოფენ მაღალი დონის ხმაურის იზოლაციას, რაც მნიშვნელოვანი უპირატესობაა სამრეწველო და სამოქალაქო დანიშნულების შენობებისთვის.

3. ხანძარსაწინააღმდეგო თვისებები.
ქვის ბამბის შიგთავსის მქონე პანელები სრულად აკმაყოფილებს სახანძრო ნორმებს. ამრიგად ის არ იწვის გარკვეული პერიოდის განმავლობაში და ხელს უშლის ცეცხლის გავრცელებას.

4. მონტაჟის სიმარტივე და სისწრაფე.
სენდვიჩ პანელები მზადდება ქარხნული წესით და მათი მონტაჟი ძალიან სწრაფად ხორციელდება. რაც მნიშვნელოვნად ამცირებს მშენებლობის დროით ხანგრძლივობასა და ხარჯებს.

5. ესთეტიკა და მრავალფეროვნება
პანელების არჩევა შესაძლებელია სხვადასხვა ფერში, ზედაპირის ტიპითა და პროფილით, რაც საშუალებას იძლევა შეიქმნას არქიტექტურულად მიმზიდველი და თანამედროვე დიზაინი.

გამოყენების არეალი

სენდვიჩ პანელები ფართოდ გამოიყენება შემდეგი ტიპის შენობებისთვის:

• სასაწყობე კომპლექსები;

• ქარხნები და ინდუსტრიული ობიექტები;

• სუპერმარკეტები და სავაჭრო სივრცეები;

• დასასვენებელი ობიექტები;

• მობილური შენობები და კონტეინერები;

• საცხოვრებელი შენობები.

სხვადასხვა ბირთვისა და სისქის სენდვიჩ პანელები ერგება სხვადასხვა კლიმატურ პირობებსა და ტექნიკურ მოთხოვნებს.